Mae hi’n #WythnosDysguAwyrAgored 2026!
Rhwng 16–22 Mawrth 2026, mae Wythnos Dysgu Awyr Agored Cymru yn tynnu sylw at y manteision eang o ddysgu yn, am, ac er mwyn ein hamgylchedd naturiol.
Thema eleni yw “Dysgu Awyr Agored o Ansawdd Uchel i Bawb” – gan bwysleisio pwysigrwydd sicrhau bod pob dysgwr, beth bynnag fo’i gefndir neu’i leoliad, yn cael mynediad at brofiadau ystyrlon yn yr awyr agored. Mae’r wythnos hefyd yn gyfle i ddathlu’r gwaith rhagorol sydd eisoes yn cael ei wneud ledled Cymru i wreiddio dysgu awyr agored mewn ysgolion a dysgu gydol oes.
Mae dysgu awyr agored yn cymryd sawl ffurf. Gall fod yn weithgareddau antur sy’n datblygu hyder a gwydnwch, yn wersi mathemateg yn yr iard ysgol, yn brosiectau bioamrywiaeth lleol, neu’n weithgareddau creadigol wedi’u hysbrydoli gan dirweddau Cymru. Mae pob un o’r rhain yn cyfrannu at brofiad dysgu cyfoethog, perthnasol ac ymarferol.
Am ragor o wybodaeth, digwyddiadau ac adnoddau defnyddiol, ewch i wefan Wales Council for Outdoor Learning.
Gweminar Tirlun – Archwilio Dysgu drwy Dirweddau Cymru
Os ydych yn athro, yn ymarferydd, yn athro dan hyfforddiant neu’n bartner dysgu awyr agored, mae Tirlun, porth dysgu awyr agored cenedlaethol sy’n defnyddio tirweddau Cymru i ysbrydoli dysgu ar draws y Cwricwlwm, yn cynnal gweminar 60 munud.
Bydd y sesiwn yn cynnwys:
Trosolwg o’r adnodd
Enghreifftiau ymarferol o’i ddefnyddio yn y dosbarth
Mewnwelediad gan athrawon gwadd
📅 Sesiwn cyfrwng Saesneg: 19 Mawrth 2026, 16:00–17:00
💻 Lleoliad: Ar-lein drwy Microsoft Teams
👉 Archebwch eich lle ar Eventbrite: https://www.eventbrite.com/cc/tirlun-4816842
Mae Wythnos Dysgu Awyr Agored Cymru yn agored i bawb — ysgolion, sefydliadau, teuluoedd ac unigolion. Beth bynnag yw eich lleoliad, mae cyfle i gymryd rhan a dathlu dysgu yn yr awyr agored.
Ymunwch â’r sgwrs a rhannwch eich profiadau gan ddefnyddio’r hashnodau:
#WalesOutdoorLearningWeek #WythnosDysguAwyrAgored